Non biziko gara?

Alaitz Olaizola

haur eta gazte literatura

Erein, 2005

LEHEN AGERRALDIA

        (Nahi izanez gero, musika klasiko edo NewAge motako zerbaitekin hasiera eman)

        (Laster, Leire eta Eneko agertuko dira agertokira. Kosta egiten zaie oinez ibiltzea, eta ahalegin handiak egiten ari dina aurrera egin ahal izateko)

LEIRE

        Neka-neka eginda nago, Eneko.

ENEKO

        Ni ere bai, Leire. Zer gertatzen ote zaigu?

LEIRE (Eztulka)

        Kutsadura handia dago.

ENEKO

        Egia da. Asko kostatzen zaigu arnasa hartzea. (Agertokian dagoen aulkian eseriko da, oso nekatuta)

        (Igor eta Amaia sartuko Jira jarraian. Horiek ere antzeko egoeran datoz, oso nekatuta)

IGOR

        Zuei ere eragin al dizue kutsadurak? (Oso ozen).

ENEKO

        Bai. Zuei ere bai?

IGOR

        Zer? (Belarriak estalita dituenez, ez dio entzungo).

AMAIA

        Igor, nola entzungo diozu ba, belarriak estalita badituzu? (Igorri entzungailuak lepora jaitsiko dizkio. Leire eta Enekok barre txiki bat egingo dute).

IGOR

        Izan ere, hainbeste zarata dago, belarriak estali behar izan ditudala.

AMAIA

        Alferrik da. Nik gorputz osoa estali dut, baina berdin-berdin eragiten dit kutsadurak.

LEIRE (Eztulka)

        Egia da, Amaia. Zerbait egin behar dugu.

        (Denek buruarekin baietz egingo dute, eta pentsakor geratuko dira)

ENEKO

        Lurrarekin hitz egin beharko genuke.

IGOR

        Lurrarekin? (Harrituta. Lurrean makurtuta, zoruari hitz egingo dio) Aizu, aizu? Hor al zaude?

ENEKO (Barreari ezin eutsi)

        Zoruarekin ez motel! Lur planetarekin!!

        (Igor korrika batean jaikiko da lurretik)

IGOR

        Aaaaaa. (Lotsatuta).

LEIRE

        Egia! Hark jakin behar du zer gertatzen den.

IGOR eta AMAIA

        Goazen ba azkar!

ENEKO eta LEIRE (Eneko aulkitik jaikita)

        Bai! Goazen azkar!

        (Indarberrituta, agertokitik alde egingo dute. Aulkia bertan utziko dute)