Bakarrik bahago neguan

Jose Luis Otamendi

poesia

Pamiela, 1998

NI JAIOTZERAKO EGINAK ZAUDEN

ni jaiotzerako eginak zauden

Txinako murraila

polizia osteak

Mediterraneoa

leialtasuna historiako liburu beltzetan

ordutik hona

galdera asko entzun dira

beste asko itotzen utzi harkaitz artean

jende asko hil da

ni hazi maitemindu eta

ergeldu egin naiz pixka bat

zu bakardadearen sinonimoak

ikasi ezinik zabiltza

katuen ikuspuntutik zure leihoa deskribatzeagatik

bizia ematera noa