Azpeitiko Idazleak azpeitiarrak dira
Bakarrik bahago neguan, Jose Luis Otamendi
«Poesia berria, ez dialektikoa funtsean, sentimenduetara makurtua eta kodigo horrexetan, borobiltasunez, edertasunez emana. Zaintasunez beteriko mundua eta beronetan bizitzeko borondate zintzoa.»
Iņigo Aranbarri. "Azken lirikoa", 1998 (Bakarrik bahago munduan)
Libreta horiko poemak, Pako Aristi
«Aristik bere kaiera horian apuntatu dituenak ez dakit poesia on ote diren egiazki, baina gauza bat gutxienez ziurta dezaket: ez dela aspaldian halako poema-liburu ederrik nire moduko irakurlearentzat idatzi.»
Hasier Etxeberria. Argia, 2003-12-12
Suminaren estrategia, Fernando Morillo
«Ez alferrik Fernando Morillok intriga eleberria idatzi ahal izateko tradiziora luzatu du eskua eta atera ditu bertatik errepikatuak izanagatik zaleari atsegin izango zaizkion elementuak. Elkarrizketa bizkorrak dira, zuzenean mamira doazenak. Esaldiak motzak eta apaindura gabeak. Kapitulu ultra laburretan, ingurumaritan galdu gabe, istorioa osatzeko balio duten informazio eta piezez harago deskribapen luzagarririk ez da. Eskertu egiten da.»
Iratxe Esnaola. Gara, 2008-06-28