Hizkien eskalea

Mikel Alberdi

poesia

Egilea editore, 2011

ERLIJIOEN ARKITEKTURAK

izateari zentzua bilatzen

darraiten erlijioen

eraikuntza izugarriak

ditut hizpide

arkitektura anitzek

gogoratzen didate asmo sakon hori

Egiptotik Mexikora

Kanbodiatik Parisera

zenbat esklabu hil dira, hil

eraikuntza erraldoi horiek sortzeko...!

arimaz hustutako gorputz zargalduekin

gogoratu nintzen Samarkandara iristean

minarete eta kupula ezinezko

turkesa xarmangarriz estalita

geometria orbangabe eta sorgindua

eternitateak forma har dezan

arimen oinazearen gainean

eraikitako edertasuna...!

zenbateraino nahiagoko nukeen

jendea ikustea

Gobiko basamortuan jauzika,

dantza deszifra ezinak eginez

inoiz harrizko arkitektura bihurtuko ez diren

keinuekin.